Back Taman Nasional ring Kanada BAN Национални паркове на Канада Bulgarian Národní parky v Kanadě Czech National parks of Canada English Parques nacionales de Canadá Spanish Kanadan kansallispuistot Finnish Parcs nationaux du Canada French ᒥᕐᖑᐃᖅᓯᕐᕕᒃᓴᖅ IU カナダの国立公園 Japanese ਕੈਨੇਡਾ ਦੇ ਰਾਸ਼ਟਰੀ ਪਾਰਕ Punjabi
|
Naciaj Parkoj de Kanado | |
|
Nacia Parko Banff | |
| Unua nacia parko | Nacia Parko Banff, 1885 |
| Plej malgranda parko | Nacia parko de Sankt-Laŭrenca Insularo, ~9 km² |
| Plej granda parko | Nacia Parko de la Arbara Bizono, ~45,000 km² |
| Respondeca instanco | Parks Canada |
Distribuo kaj situo de naciaj parkoj en Kanado | |
La sistemo de Naciaj Parkoj de Kanado ampleksas pli ol kvardek protektitajn terenojn, inkluzive Naciajn Parkojn, Naciajn Park-Rezervojn, kaj Naciajn Mar-Parkojn.
Nacia park-sistemo celas krei reton de protektitaj terenoj kiuj reprezentas ĉiujn klare distingeblajn naturregionojn de la lando. La registara institucio Parks Canada, la respondeca instanco, kreis sistem-planon identiganta 39 apartajn regionojn, kiujn ĝi celas reprezenti. En 2005 Parks Canada raportis ke la sistemo estas 60 procente kompleta. Oni administras la parkojn de Kanado celante unuavice protekti la ekologian integrecon de la parko kaj duavice permesi al la publiko esplori, studi, kaj ĝui la naturajn terenojn de Kanado.
Tiuj parkoj kiujn oni nomas "Naciaj Park-Rezervoj" fariĝos Naciaj Parkoj kiam oni solvos demandojn pri la posedostatuso de la terenoj: inter ili estas Nacia Park-Rezervejo de la Pacifika Marbordo, Nacia Parko kaj Rezervejo Kluane, Nacia Park-Rezervejo Nahanni, kaj Nacia Park-Rezervejo de la Montaro Torngat.
Naciaj Mar-Konservejoj estas relative nova aldonaĵo al la parka sistemo. Ĉi tiuj konservejoj havas alian celon ol iliaj surteraj kontraŭpartoj: oni celas ke ili estas por daŭra uzado, kvankam en ili kutime estas partoj celitaj protekti ekologian integrecon. La du Naciaj Mar-konservejoj de Kanado troviĝas en Ontario (Fathom Five) kaj Kebekio (Saguenay-Sankt-Laŭrenco).